Ватандалухасса балайрдал фестиваль

Лаващиял райондалий уттигъанну хьунни патриот балайрдал фестиваль-конкурс. Му хас дурну дия Дагъусттаннал партизаннал

суккушиндарал тарихраву ца яла яргмунин ккаллисса Аьяккаккиннал талатаврин 100 шин хъанахъисса таварихран. Фестиваль цурдагу хьунни му талатавриву ххувшаву ларсъсса кIанттай.


Бадрижамал Аьлиева
Фестивальданий гьуртту хьунни Лаващиял, Ахъушиял, Дахадаевуллал, Сергокъалаллал, Къарабудахккантуллал районнаясса цайнува цивппа хьусса артистътал.

Ва хьунни Лаващиял райондалул ва мунил лагма-ялттусса районнаясса инсантурансса байран. Амма фестиваль-конкурсрал жюрилун бигьану бакъая хьхьичIунсса кIанттурду булунми язи бугьан, мукуннугу, лауреатътал кIива группалийх (хъаннил ва арамтурал) бавчIуну, жюрилул шайссаксса тIайлану щаллу бувунни цалва хьхьичI бивхьусса масъала.