[dropcap]С[/dropcap]ентябрьданул 24-нний ДР-лул ХIукуматрал Председательнал хъиривчу Аьвдулмуслим Аьвдулмуслимовлул каялувшиврий хьунни республикалул
шагьрурдай ва районнай цIинцI-ччюрк занакьулу дайсса комплексру бансса аьрщарал участокру личIи даврил ва кьянкьасса коммунал ххиличIрурдалсса баврил хIакъиравусса батIаву.
Вице-премьернал бувсунни махъсса шиннардий коммунал, медициналул ххиличIрурдал, ризкьилул фермардал, хъу-лухччинуйх бищайсса химиялул дарурттал (пестицидру) чапал дуллай душиву аьрщигу, арх дакъа нанисса нехругу.
Мунал тIимунийну, «Экология» тIисса национал проектрал лагрулий 2020 шинал республикалий бантIий бур 11 цIинцI занакьулу дайсса комплекс (мусоросортировочный) 10 муниципалитетрай: Дарбантлив, Буйнакскалий, Къаяккантуллал, Къизилюртуллал, Къизлардал, Лаващиял, МахIарамккантуллал, Сулайман-Стальскаллал, Хасавюртуллал ва Шамиллал районнай.
ЦIанасса ппурттуву мукунсса комплекс МахIачкъалалив, Избербашлив зий бур, бувну къуртал бавай бур Бущихъав.
Яла масъалалул хIакъираву махъ лавхъунни ДР-лул тIабиаьтрал луртаннал ва экологиялул министр Набиюлла Къарачаевлул.
БатIаврий гьуртту хьуминнал ххал бивгьунни гьарца муниципалитетрай цIинцI занакьулу дайсса комплекс бансса участок личIи даврил хIакъиравусса масъала. Чивчунни масъала ххал бигьаврил протокол, дан аьркинсса давурттал жаваблувмигу, чIунгу ккаккан дурну.
