ЦIусса дуккаврил шинал дайдихьулийсса вай гьантрай МахIачкъалалив хьунни ятинсса ва мушакъатсса оьрчIансса концертру: август зурул 22-нний
Дагъусттаннал паччахIлугърал филармониялул гъинтнил залдануву «Дагъусттаннал жагьилшиву» тIисса Ккавкказуллал къавтIаврил ансамбльданул концерт, август зурул 24-нний тIурчарив, Къумукьнал театрдануву дагъусттаннал эстрадалул артистурал концерт.
Ва концертрай бия оьрчIал назмурду дуккаврил конкурсгу, гьарцагу гьуртту хьуманан дуллуна бахшишругу. ДарчIуна гьуртту хьуминнайх творчествалул давриха зунсса набордугу. Концертрал сиптачи Самир Аьлиевлул кIицI лавгуна ва концерт, рахIму-цIимилул асарду агьалинал дакIурдиву гьузиххин буллалаврицIун, ятинсса ва мушакъатсса оьрчIал масъаларттах къулагъас дуван оьвтIисса даву душивугу, ци захIматшивурттавун багьарчагу, яхI буллалисса оьрчIал чувшивруя хIайран хъанахъисса даву хьушивугу.
П. Рамазанова
