Шайссар!

[dropcap]Ч[/dropcap]анссаннан бакъа къакIулли, шинай цал гьарца инсаннахь ихтияр душиву цува цIакь увсса ( яхъанахъисса кIану ва страхованиялул полисран хасну) поликлиникалия цамур поликлиникалуцIун цIакь хьун.

Щалвагу Аьрасатнал страховщиктурал союзрал бувчIин бунни цукун ва ци чIумал баххана буван багьайссарив зулва поликлиника цамур райондалулмур поликлиникалух.
Баххана буван бучIиссар агана:
1.Цамур поликлиникалий зулванийр ххуй-хъинсса духтуртал зий бухьурча, ягу зува хъин хьун ччисса балжисса духтур зий ухьурча.
2.ЦIуну язи бувгьусса полик­линика зуламунияр гъанну бухьурча зучIанма.
3.Зува зузисса кIану ичIалли­цIа архну буну, духтурначIан даврий унува уххан бигьану бикIаншиврул.

Цукун бюхъантIиссар баххана буван
поликлиника?

БакIрайва аьркинссар личIи буван зунма къулайсса цIусса медициналул идара. ОМС-рал фондрайн лавгун, тикку дуссар циняв поликлиникарттал сияхI. Тикку маслихIат бантIиссар зухь ци бан аьркинссарив.
Цукунсса документру аьркинссар?
Чичин аьркинссар аьрза цIуну язи бувгьусса поликлиникалул каялувчинайн (бланк ласайссар регистратуралия); паспорт; ОМС-рал полис; СНИЛС. Агарда оьрчIал поликлиника баххана буллай бухьурча, аьркинссар оьрчI баврил хIакъиравусса свидетельство.
Муния махъ 4 кьинилул дянив зухь бусан аьркинссар цукунсса хIукму хьуссарив зул аьрзирал хIакъираву.
Зул документру хьхьичIмур поликлиникалия цIумунийн биян аьркинссар ца зурул дянив.