[dropcap]С[/dropcap]овет халкьуннал бюхттул­сса Ххувшаву ларсун 75 шин хъанахъаврицIун бавхIуну, щалагу билаятрай щирикIин дунни ва таварихран хас дурсса давуртту.

А. Аьбдуллаева
Ялун нанисса ник Ватан ххирану тарбия даву, дяъвилул гьурттучитурал аьпа абад баву мурадрай, чIярусса шиннардий бивхьусса захIматрахлу, Ккур­ккуллал шяраву, школалучIа бувсса ххаллилсса Аьрали савлугърал ва захIматрал музейрахлу август зурул 14-нний хIакьсса патриот, шаэр Даниял Магьдиевлун дуллунни генералиссимуснал орден.

Ва орден дуккан дурну диркIссар И.В. Сталин Генералиссимус хьусса чIумал. Бюх­ттулсса награда Даниял Магьдиевлухьхьун дуллунни Дагъусттаннал халкьуннал Виричу, Аьра­сатнал ПаччахIлугърал 1-мур классрал советник Оьмар Беговлул.
ДакIнихтуну барча дуллай буру Данияллул лайкьсса наг­рада.