[dropcap]Н[/dropcap]исвартилул ялун, цIил щинаву бишин хьхьичI, щаращисса щин дутIирча, цIил хьуну махъгу яргну щюллисса ранг личIайссар.

* * *
Нисварти бусса цIил щинавун чансса горчица дичирча, нисварти тIааьнсса шай­ссар, лахъисса чIумуй зиягу къашай­ссар.

* * *
Накь (дукра) шахьан ца 10 минутI лирчIсса чIумалли кIункIурдуйн цIусса помидор дичайсса.

* * *
ТIиртIусса банкалуву­сса томатрал ялтту мяххи къадакьинтIиссар, томатрал ялтту чансса цIугу бивчуну, кIюласса къат ххяххиялул аьгъушиврулгу дутIирча.

* * *
Бивсса къалпузрал ккири цIай-цIай тIисса бикIайссар.

* * *
Цаппара кIунтIру лимондалул сокрал аьркинну бухьурча, лимондалийн ганзсса ххалаххи кьувтIуну, зунна аьркинссаксса сок дуккан дувара (лимон кьукьин аьркиншиву дакъассар).

* * *
Лимондалува чIярусса сок дукканшиврул, га ца-кIира минутIрайсса кIирисса щинаву дишин аьркинссар.

* * *
ДачIра ххюттуйн чан-чанну ххув тIий хIарчIсса ахъулссаннул сок ягу томатрал сок хъин­ссар дукра лялиян дан – хъуниминнангу, оьрчIангу.

* * *
Ппиринж шюшин аьркин­ссар дяркъусса щинал жартлилу, нукIура щин дуртIуну кьабивтсса ппиринжрал тIин зия шайссар.

* * *
Ппиринж шавхьун хъинссар куртIсса, ганзсса чугундалуву.

* * *
Ппиринж кIяласса хьуну ччарча, гай шахьлахьисса щинавун дачIи лимондалул сок дутIин аьркинссар.

Барачат бишиннав.

ХIадур бувссар
Т. ХIажиевал