ДачIи шинал мутталий ялув бацIаврил органдалийн бувкIун бур 1719 аьрза. Яла чIявуми аьрзарду бур 723 (42,1%) коммунал хIаллихшинну дагьайсса куццуй къадуллай бушиврул хIакъиравусса.
Миннувату къатравун гъилишиву дулаврил диялдакъашиврул хIакъираву – 213, чирахъру лещан буллалаврил хIакъираву – 123, кIирисса щин дакъашиврул хIакъираву – 122, дяркъусса щин кьукьлакьаврил – 159, газрал чулухасса диялдакъашивурттал – 62, канализациялул диялдакъашивурттал – 25 ва ччюрк дукьаврил – 19 аьрза.
КIилчинмур кIанттай бур къатрал техникийсса тагьарданул хIакъиравусса аьрзарду – 568 (33%). Миннувату чIявуквартирартту бусса къатрал цинявннан аьмсса кIанттурду къаххуйсса тагьарданий бушаврил хIакъираву – 325, лифтру къаххуйну зий душиврул хIакъираву – 61, подваллаву щин ва цIинцI салкьи шаврил хIакъираву – 61, магъуя кIукI нанаврил хIакъираву – 31, къатрал лагмасса аьрщарал тагьар къаххуйну дишаврил хIакъираву – 90 аьрза.
Аьрзарду бувкIун бур мукунма ЖКХ-лул хIаллихшиннахсса багьри къатIайлану ккаккан буллай бушиврул хIакъиравугу, мукунсса бур 256 аьрза дачIи шинал дянив. Миннувату чIявуми бур: газрахсса багьрал хIакъираву – 63, электроэнергиялухлусса – 60, аьмну ишла байсса кIанттурду къаххуйсса тагьарданий бушиврул хIакъираву – 69.
Яла чIявуми аьрзарду (лабизавуртту) бувкIун бур МахIачкъалалия – 1144 (66,6%) Каспийскалия – 305 (17,7%) ва Дарбантлия – 62 (3,6%).
ХIадур бувссар
ХI. Аьдиловлул
