Цалчинмур кIаная мукьилчинмур кIанайн дирну дур Дагъусттаннайсса коррупция

1-мур ЦIувкIуллал
шяраватусса
Бадави Муртаев, «Ттул Дагъусттан» тIисса зузалтрал конкурсрай ххув хьума

[dropcap]И[/dropcap]юльданул 20-нний ДР-лул БакIчи Владимир Васильев хьунаавкьунни «Ттул Дагъусттан» тIисса зузалтрал конкурсрай ххув хьуминнащал. 

Къаформалсса тагьарданий, чяйлухунсса ихтилатраву республикалул каялувчинал миннащал ххал бивгьунни тамансса агьамсса масъалартту.


Владимир Васильевлул тIимунийну, зузалтрал конкурс дурну махъ ларгун дур ца шин, ххув хьусса 54-ннавату 23 ивтун ур личIи-личIисса жаваблувсса къуллугъирттай. Республикалул бакIчинал бувтунни, АЗС-ру «ххютула» чаннайн буккан баврийну, дукIумуних бурувгун, гьашину му аралувусса налогру 87 процентрал ххину дуркIшиву. Мунал тIимунийну, республикалийсса 700-нния лирчусса автозаправкардал станциярттавату 55 «ххютула» бувккун бур. ЛивчIминнащалгу аьркинну бур правалул ххуллий зун.

В. Васильевлул пикрилий, чIявуми министерстварттай биялну бакъар лавайсса даражалул пишакартал. Каялувчитуран аьркинссар цIушиннарду лахьлан ва ларай дуллан цалла кIулшивуртту. «Жулва мурад – пагьму-гьунар бусса, къабигьамур ххуллийх бачин хIадурсса ва хьхьичI бивхьусса масъалартту дузал буллан бюхъайсса даражалийн бивсса инсантал батIул буллалавур», — увкунни ванал.
Бувсунни «Ттул Дагъусттан» тIисса конкурсрай ххув хьусса утти­гу шама инсан итан най бушиву жаваблувсса къуллугъирттай.

РАН-далул Дагъусттаннал элмийсса центрданул этнополитикалул ахттарбавурттал центрданул директорнал буржру чIумуйну бартбигьлагьисса Руслан Абакаровлул бувсмунийн бувну, махъсса цIухху-бусурттал хIасиллайну, республикалийсса агьамми захIматшивурттаву коррупция 1-мур кIаная дирну дур 4-мур кIанайн. Мунал пикрилий, мунил буслай бур властьрайнсса вихшала лахъ хьушиврия, жямат низамрайн бучIаврия.
Владимир Васильевлул тI­и­мунийн бувну, агарда ихтиярду дуруччай органнал закон лиян давуртту ашкара дуллай бухьурча, ми дуллан аьркинссар жаваблувну, закондалул лагрулий.

Муниципалитетирттай цукунсса дахханашивуртту хъанай дуссарив бувсунни Сергокъалаллал райондалул администрациялий зузисса Рукьият АхIмадовал, Дагъусттаннал жагьилтурал иширттал министрнал хъиривчу ПатIимат Оьмаровал.
Хьунабакьаврий ихтилат хьунни цаймигу масъаларттал хIакъираву.