Буттал арс БижитIуев Фридрих

Тамансса хIаллай азарханалийгу ивкIун, вай гьантрай аьпалувух ивхьунни духIи-дуцимирал алгусса, хъуниминнал хьхьичI хIурматрайсса, мюрщиминнахь насихIат бусайсса Буттал арс БижитIуев Фридрих.

Фридрих увну ур 1939 шинал Хьурттал шяраву. Школагу къуртал бувну, кулпатрал хьун чIун хьусса чIумал, ванал язи бувгьуну бур Ххюлусматусса бювхъусса душ ХIабибат. Хьуну бур ххаллилсса кулпат.
Фридрих зий ивкIун ур М. ХIажиевлул цIанийсса заводрай 1963 шиная 1993 шинайн ияннин, яла, хIукумат даххана хъанай, заводравусса халкь чан хъанан бивкIукун, лавгун ур къаралчинал даврий зун МахIачкъала шагьрулул оьрчIал 3-мур поликлиникалийн. Оьрмулул ахир хьуннин, къашайшиврул цIуцIна уваннин, зий-занай уссия бунагьирттал аьпабиву.
Даврий зузиминнащал хIал бавкьусса, дайсса даву усттар­сса ия Фридрих. Ванал хIурмат хъунмая архIал зузиминнал, каялувчитурал ва жяматрал дянив.

Ванал хIалал дурну дур грамотартту ва бахшишругу, дур захIматрал ветераннал цIагу.
Лавгунни жуятува личIину угьарагу къавхьуну Фридрих. Цал бунагьирттал аьпа баннав, гьав нурданул дуцIиннав. Жуятува уцарчангу, Занная къауцаннав цув, алжаннул ххари аннав.
Фридрихлул бивкIулул кьур­чIишивугу кIидачIлай, жи­жара буллай буру кулпат ХIабибатлухь, оьрчIахь, душнихь, оьрчIая бивзминнахь, уссур­ссуннахь ва цинявппагу агьлу-авладрахь. Фридрихлул барачат махъ ливчIун лякъиннав . Амин я Аллагь !
МахIачкъала шагьрулул 3-мур оьрчIал
поликлиникалул зузалт

---

БатIул хьунни дунияллия жула ххаллилсса, гьарцаннан бусравсса

Асли Штанчаева,
цилгу щала оьрму хас бувсса лакрал музыкалул магьирлугъ, хьхьичIуннай дуллай. Му бия лакку балайрдал энциклопедия. Машгьур буллай бия язи-язими музыкалул произведенияртту – халкьуннал балайрдая байбивхьуну, Дагъусттаннал композитортурал произведениярттайн бияннин. Лакрал театрданун даингу аьркин шай­ссия Аслил кумаг, спектакллансса ва концертирттансса балайрду, макьанну дурчIин.
Ватангу ххирасса, лакрал халкьуннал ва балайрдал магьирлугъгу кIулсса Асли абадлий личIантIиссар жула дакIурдиву.
Хъуннасса кьурчIишивугу кIидачIлай, дакIнихтунусса жижара буллай буру арсурваврахь, душнихь, оьрчIал оьрчIахь ва цинявппагу гъан-маччацириннахь. Махъминнал оьрмурду лахъи баннав!

Лакрал театрданул коллектив

---

Мукьра шинал хьхьичI жагьилсса оьрмулуву жуятува личIи хьусса ЧIяйннал шяравасса Зулайхат Камиловал аьпа­лун.

Лакрал миллат ххирасса,
Къушливугу бавкьусса.
Бияв ина, Зулайхат,
ДакIнивагу тIивтIусса.

Ина бияв жул талихI,
Жул барачат, жул кьисмат.
Тти оьрмулул ци байссар,
Ина чIарату лавгсса.

Ва оьрмугу най бури,
ДакI къювурдаву дури.
Къумашиву къалаглай,
Жугу ливчIуну буру.

Утти вагу оьрмурив,
Вил чIу жун къабаллайсса.
Вил гьаттачIа бай гъалгъа,
Жул чIу вин къабаяйсса.

Ина хъамабитан къабюхъ­лахъисса вил лас, оьрчIру