[dropcap]А[/dropcap]вгустрал 9-11-нний Железноводскалий нантIиссар II-сса Щалагу Аьрасатнал «Дада, мямма ва на – спортрал кулпат» цIанилусса кулпатирттал хъуннасса фестиваль.Ванил сиптачишивугу дуллай дур «Центр проектных инициатив «Данко» тIисса автономсса коммерциялул дакъасса сакиншинна.
З. АьбдурахIманова
Проектрал агьаммур мурад бур кулпатрал дянивсса арарду, гьанурду цIакь баву, цIуллушиврул кьимат буну оьрму бутлан аьркиншиврия бусаву ва спортрахсса гъира кулпатравува хIасул хъанахъаву.
Фестивальданул лагрулий ххяллайх лахълахъисса, чIатIаракI ритлатисса, щинаву гьузузисса, творчествалул, дукра-къяс дуллалисса ва цаймигу бяст-ччаллу ва личIи-личIийсса мастер-классру хьунтIиссар. Гьуртту хьун ччиминнаща, вания гьарта-гьарзану кIул бан ва, гъира бухьурча, зува гьуртту хьун ччишиву бусласисса аьрза чичин бюхъантIиссар http://danko.site тIисса сайтрайн бувххун.
