[dropcap]В[/dropcap]ай гьантрай Дагъусттан Республикалул бакIчиначIасса Хъунисриннал советрал батIаврий хIукму хьунни цила чIумалсса ДАССР-данулМинистртурал Советрал Председательнал хъиривчу, ДАССР-данул Госпландалул председатель, паччахIлугърал ишкка­кку, ХIадислул арс Аьвдуллагь ХIажиевлун гьашину хъанахъисса 100 шинал юбилейрал хIакъиравусса комитет батIин.

Хъунисриннал советрал чулуха мивун бухлай бур: С. М. Илиясов (председатель хIисаврай), Р. А. Абакаров, Э. И. АхIмадов, А. Г. ХIусайнов, Б. М. МахIаммадов.
Комитетравун бухлай бур ялагу: Ю. ХI. МахIаммадов, Лак­рал райондалул администрациялул бакIчи, С. Аь. Аьбдуллаев, Дагъусттаннал Жяматийсса Палаталул хъунаманал хъиривчу, ХI. Аь. Бучаев, Дагъусттаннал Халкьуннал хозяйствалул университетрал ректор, М. М. Гъапуров, ДНЦ-лул аналитикалул центрданул хъунама, Р. М. Башаев, «Илчи» кказитрал хъунама редактор, Аь. В. МахIрамов, АьФ-лул ПаччахIлугърал Думалул депутат, А. Б. Алхасов, Аьра­сатнал Академиялул лахъсса температурарттал институт­рал директор.
Жул корр.