Щалагу Аьрасатнаву кIицI лаглагисса «Росгвардиялул кьинирду» тIисса акциялул лагрулий Росгвардиялул управлениялул зузалт хьунабавкьунни Дагъусттаннал Художниктурал союзрал выставочный залданул директор, Дагъусттаннал лайкь хьусса художник Амирхан МахIаммадовлущал. Хьунабакьаву хьунни художникнал дуссукъатлуву.
Амирхан МахIаммадовлул кIул бунни зузалт цала творчествалущал. Ванал дирхьусса тIабиаьтрал ва инсантурал суратирттаву дур жула тарих чIалачIи буллалиссагу, масала, Имам Шамиллул, ХIажимурадлул суратру.
Авторнал цала тIийкун, укунсса суратирттайну ва аьч буллай ур тарихрал иширттацIун цала пикрирду, халкьуннал вирттаврал кьадар. ХIакьинусса кьини художникнал коллекциялуву дур 200-ннийн дирсса суратру. Уттинин ванал суратирттал арулла выставка хьуну дур.
Суратру ххал дурну махъ художникнал барча дурунни Росгвардиялул зузалтрахь пишалул байран ва барчаллагь увкунни, агьалинал мюхчаншиву дуруччаву мурадрай, цала къуллугърал буржру лайкьну бартбигьлай бушиврухлу.
Андриана
Аьбдуллаевал
