[dropcap]Ч[/dropcap]Iавасса каратист Ислам Мазаевлуя жу хьхьичIвагу чивчуссия. Уттинин Ислам кIийла Дагъусттаннал 

чемпионгу, Ухссавнил Ккавкказуллал федерал округрал чемпионгу хьуссар.

[dropcap]В[/dropcap]ана ттигъанну МахIачкъалалив хьусса всесиловой контактрал каратэ-киокушинкайлул данди бацIавурттаву Ислам Мазаев ххюйлчингу чемпион хьунни. Ва ххаллилсса ккаккияр!

Исламлул тренер Ояма-Каратэлул президент Хизри РахIимоври. Исламлун 13 шинни, кIушивугу – 50 кг. Ванал категориялий ия ацIа оьрчI. Амма цаярда хъуннасса кIушиву дусса оьрчIругума Исламлуща бух бан бювхъунни.
ТIайлабацIу баннав чIава каратистнан вания тихунмайгу!

Мазяйхъал Казбек