Авгъаннаву талай бивкIминнан хас дурсса хьунабакьаврил мажлис хьунни февральданул 14-нний ЧIяйннал магьирлугърал къатраву. Шикку гьуртту хъанай бия шяраваллил библиотекалул зузалт, школалул дуклаки оьрчIру ва шяраваллил инсантал.
[dropcap]М[/dropcap]ажлис тIивтIуна магьирлугърал къатлул хъунмур Алхасова СалихIатлул. ЧIяйннал библиотекалул хъунмур Ибрагьимова Гурсаланнул кIицI бувна ЧIяйннал шяравасса арула жагьил гьуртту хьуну ивкIшиву та дяъвилий: Лачинов Лачин аьпалухьхьун лавгун ур, аьпа баннав, гьав нурданул дуцIиннав; Багов Жамалуттин яхъанай ур МахIачкъалалив; Кьадиев Кьади ва Пидуриев Амин яхъанай бур Москавлив; Рабаданов ХIусайн яхъанай ур Къизлардай; Аьлилов Аьлил яхъанай ур Каспийскалий; Мамедов Аьвдулбасир яхъанай ур Сахалиннай.
[dropcap]М[/dropcap]ажлисрай мукунма ихтилатру бувна Чехословакиянал дяъвилул гьурттучи Илдаров МахIаммадлул, ЧIяйннал шяраваллил бакIчи, Чачаннавусса дяъвилул гьурттучи МахIаммадов Исял, шяраваллил участокрал полициялул капитан ЯхIияев Назимлул. Дуклаки оьрчIал дурккуна дяъвилиясса назмурду, увкуна балайрду. Гьуртту хьун бувкIми рязину ливчIуна.
СалихIат Алхасова,
ЧIяйннал шяраваллил
магьирлугърал къатлул хъунмур
