[dropcap]М[/dropcap]арт зурул 2-3-нний Евпатория шагьрулий хьусса оьрчIал ва душваврал дянивсса грэпплинграл Аьрасатнал чемпионат­рай гьуртту хьунни тренер Абачараев Сулайманнул вардиш увсса спортсмен ХIажиев МухIаммад.

Вай бяст-ччаллаву Му­хIаммадлул, лавайсса даражалий цала бюхъу ва гьунар ккаккан бувну, лайкь дунни чарвитул медаль.

Чемпионатрай хьхьичIунсса хIасиллу ккаккан дунни цIу­миналийсса ЦIуссалакрал дзюдорал школалул чIава спортсмен Штан­чаев Аьлилгу. Ва хIадур увну ия гьунар бусса тренер Муслимов Германнул. Шиккува кIицI лаган, Муслимов Германнул спортсментурал, личIи-личIисса чемпионатирттай гьуртту хьуну, уттинингу цимилгу хьхьичIунсса кIанттурду бувгьуссия. Утти тIурча, Штанчаев Аьли Да­гъустттаннал чIава жагьилтурал командалуву гьуртту хьунтIиссар март зурул 18-20-нний Нальчик шагьрулий хьунтIисса СКФО-лул первенствалий.