[dropcap]В[/dropcap]ай гьантрай цIу дагьну диркIсса ЦIумадиял райондалийсса Тисси-Ахитлиял шяравун увкIунни ДР-лул БакIчи Владимир Васильев.
Мунал ххал дунни цIу дагьну ччурччусса къатри, гъалгъа бунни ччувччусса къатрал инсантуращал.
[dropcap]В[/dropcap]ладимир Васильевлул миннахь бувсунни республикалул каялувчинал аьркинсса чаранну лявкъуну, яла гъансса чIумал бухлаган бантIишиву цIу дагьаврил хьун бувсса зараллу, му бакъассагу, зараллу бивминнан дулунтIишиву закондалий ккаккан дурссаксса арцурдугу. «Жу цIана батIарду ляличIисса тагьарданул хьхьичIалу кьукьаврил ва ми духлаган даврил штаб. Штаб зий бур шиккугу, видеоконференциялул низамрай МахIачкъалаливгу.
ЦIана циняв министртал зий бур шяравалу токрал ва газрал дузал давриха», — увкунни мунал. Дагъусттаннал БакIчинал тIимунийну, документру ччувччуминнан ДР-лул МВД-лул кумаг бантIиссар ми цIу буккан буван.
Шяраваллил жяматрал республикалул каялувчинахь барчаллагь увкунни ва захIматсса тагьарданий цахра къулагъас даврихлу.
ХIадур бувссар
ХI. Аьдиловлул
