ДР-лул ХIукуматрал председательнал 1-ма хъиривчу ХIажимахIаммад ХIусайнов дагъусттанлувтурайн лаивзунни 2035 шинайннинсса ДР-лул социал-экономика лядуккан даврил хIакъираву.
Муний укун тIий бур: «Жува аьркинссар аьям буван хъунмасса мутталий республика хьхьичIуннай хъит учин дансса ххуллурду. Мунийнсса ориентирну жунма хъанахъиссар 2018 шинал майрал 7-нний кьамул бувсса «О национальных целях и стратегических задачах Российской Федерации до 2024 года» тIисса АьФ-лул Президентнал хIукму; национал проектру; 2024 шинайннинсса АьФ-лул ХIукуматрал давурттал агьамми ххуллурду. 2018 шинал хъуннасса даву дурссар стратегиялул сессиярттал лагрулий, ми материаллугу хIисавравун ласунтIиссар. ЦIанасса ппурттуву Дагъусттаннал пишакартураяр ххишала му давривун хIала-гьуртту бувссар федерал экспертъталгу.
-Жу оьвтIий буру цинявннайн Стратегия сакин давривух гьуртту хьун. Ялугьлай буру зул сиптардах ва маслихIатирттах.
Стратегиялул давривух гьуртту хьун ччиманан аьркинссар дуцIин дуван ДР-лул Минэкономразвитиялул сайтрай дирхьусса анкета. Хъинну хьунссия, агарда республикалул циняв ялапарлувтал гьуртту хьурча Стратегия хIадур давривух, — тIий бур текстрай.
ХIадур бувссар
ХI. Аьдиловлу
