[dropcap]М[/dropcap]ахIачкъалаллал ва Каспийскаллал дянив 29 гектарданийсса РувхIанийсса комплекс буллай, зий булувкьуну бур.
Агьаммур объектнугу бикIантIий бур шикку Мадиналийсса Идавсил Мизитраха лавхьхьусса мизит, цуппагу мукьра зивулийсса, цал архIал 20 азара инсан лагайсса, 47 метра лахъишиврул дусса минара бусса. Мушакъатминнансса лифтгу дикIантIий дур, Дагъусттаннал тарихрал музейгу бикIантIий бур, фонтаннугу, патирханагу бикIантIий бур. Велосипедирттай, роликирттай бигьлан ччиминнан къулайсса кIанугу бикIантIий бур.
Уттива чIявусса мурхьру бувгьуну бур, лагма-ялттусса кIану щюллишиврувун бахьлаган буваншиврул. Гьарца кьини стройкалий зий ур дянивну 100 инсан: районная, шяраваллава сайки гьар кьини букIлай бусса бур дакI дирссаксса арцу дулун. Хъами арцу-мусил чIюлушиннарду дуллай бур, хIатта оьрчIругума цачIара салкьи хьусса къуруш ларсун бучIайсса бур. Гьаннайсса, ва даву унгу-унгунусса халкьуннал стройкану хьуну дур.
Лажин хIадур дурссар
П. Рамазановал
