[dropcap]Ф[/dropcap]евраль зурул 21-нний АхIмад-Хан Султаннул цIанийсса МахIачкъалаллал аэропортрая цIуницIакулгу лехлай дайдирхьунни ИстIамуллал шагьрулийнсса самолетру.
МахIачкъалалия ИстIамлив рейсру дуллантIиссар «Atlasglobal» авиакомпаниялул Airbus A320 маркалул самолетирттай. МахIачкъалаллал аэропортрай байбивхьуну буссар ва рейсрайнсса билетру бахлай. Самолетру лехлантIиссар нюжмардий кIилла: хамис ва алхIаткьинирдай.
Ссятрал мутталий лехлай ур 200 пассажир
[dropcap]М[/dropcap]ахIачкъалаллал аэропортрай 2019 шинал январь зуруй 16% гьарза хьуну бур пассажиртал. Ларгсса шиналсса вава зурух бурувгун,125 037 пассажир ххишаласса хьуну ур. ЧIяру хьуну дур аэропортрая дуллалисса самолетирттал рейсру, мигу, дукIусса январь зурух бурувгун,957 рейс ххишаласса хъанай дур.
МахIачкъалаллал аэропорт Дагъусттаннай бувагу бусса ца авиапредприятие хъанахъиссар. Аэропортрая Аьрасатнал шагьрурдайн ссятрал мутталий лехлай ур 200 пассажир, дазул кьатIувсса билаятирттайнсса рейсирдайнгу ссятрал мутталий 60 пассажир лехлай ур.
МахIачкъалаллал аэропортрай сайки бувну къуртал шавай бур 8000 квадрат метра дусса, 190 пассажир ссятрал мутталий кьамул уван бюхъайсса цIусса терминал.
ХIадур бувссар
Имара Саидовал
