Январь зурул 22-нний ПаччахIлугърал Думалуву хьунни культуралул ирсирал объектирдан хас дурсса батIаву.

Имара Саидова
Ва батIаврий кIицI лавгунни хIакьинусса кьини паччахIлугърал аякьалийн лавсун ва мюхчанну ядуллай бушиву 143 876-нийн дир­сса культуралул объектру, амма ми гьайкаллу ядаву ва дуруччаву мурад­рай, дагьайссаксса арцу итадакьлай бакъашиву. Так 15 % бур, ккаккан дурсса тIалавшиннарду биттур дурну, гьайкаллу дуручлачисса.

Тарихрал гьайкаллу ва культура ядаву, цIу дуккан даву мурадрай, бюджетрал арцух къаялугьлай, луг­лан багьлай бур арцу дучIан дан­сса ххуллу-чараннах. Мукун чIарав бацIан бюхъайссар паччахIлугърал ва цивппа заллусса институтру, муниципал партнертал.
Гьурттучитурал маслихIат ккавккунни федерал закондалул проектрайсса цаппара кIанттурду уттигу хъирив лавну ххал бигьин.

БатIаврий гьуртту хьусса ПаччахIлугърал Думалул депутат Юрий Левицкийл кIицI лавгунни тарихрал культуралул объектру ядаву ва дуруччаву паччахIлугърал проектирдава­сса ца яла агьамсса даврин ккаллишиву.