Январьданул 20-нний Дагъусттаннай гьашину гриппрал ва ОРВИ-лул (острое респираторное заболевание) эпидемиялул чIумал сияхIрайн лавсунни А журалул гриппрал къашавай хьусса цалчинма инсан. Къизилюртуллал азарханалий уттуишин увну ур пневмониялул къашавай хьума.

ХI. Аьдилов Уттинин жула республикалий сияхIрайн лавсун ур ОРВИ-лул къашавай хьусса 2712 инсан. МахIачкъалалив 3 нюжмардул дянив ОРВИ-лул къашавай хьуну ур 970 инсан. Дагъусттаннал вирусологиялул лабораториялий ххал увссар 59 инсан, дурссар 413 хъиривлаяву, миннул хIасил: ца инсаннаву лявкъуссар А журалул гриппрал вирусру, 1 – парагриппрал, 1 – аденовирусрал инфекция, 3 – респираторно-синцитиальный вирус, 2 – риновирус.

Республикалий гриппрайн къаршисса прививкарттал ххалаххив бувссар 1 млн. 172 азаллий 483 инсаннайн (циняв агьалинал 43,4%), миннавату 657 азаллий 374 оьрчI-бакI. Гриппрал къашавайшиврул ялув бавцIуну бур ДР-лул Роспотребнадзор.