Ттигъанну кунма Лакрал райондалул имам МухIаммад-Маннар Бариевлул ва КIундиннал шяраваллил имам АьлиасхIаб Массуевлул «Инсан» фондрайхчIин баян бувна КIундиятусса Оьмариева Мадинал
къатта цIу дагьну ччувччушиву ва ялув магъи дакъа ялгъузну ливчIсса инсаннан цIусса къатта буван багьлай бушиву анаварсса бущилий. КIира-шанна нюжмардул дянив ца миллион арцул (1.074000) бавтIун бур. Фондрал зузалт хъунмасса барчаллагьрай бур дакI цIуцIаву дуну ка кIидархIунайн.
П. Рамазанова
Уттинингу жу бусарду ва фондрал дурсса ххуй-ххуйсса давурттая. Масалдаран, мушакъатминнал кьинилун хаснугу ххуйсса байран дунни «Инсан» фондрал: щаллагу республикалиясса 350 мушакъатсса оьрчIайн байрандалийн оьвкунни. Муфтий Щайх АхIмад Апаннигу увкIунни оьрчIру ххари буван. Вайва гьантрай фондрал цила аякьалийн лавсъсса 65 оьрчIан кIинттул лаххиялулгу кумаг бунни.
«Инсан» фондрал лакралмур филиалданул уттинингу дурссар уздансса давурттив, ятинсса оьрчIру магъи дакъа личIлай чIалай, арцугу дартIун, миннансса къатри дуллай буссар Ваччав. Мукунма ноябрь зуруй дуки-хIачIиялул кьуцуртту бавчIунни ахIвал кIюласса кулпатирттайх. Ва чIун-чIумуй дувайсса давур.
Вай давурттив дулланшиврул сахаватну кумаг буллалицириннайн барчаллагь тIий, зул цадакьартту Аллагьнал кьамул буваннав тIий бур фондрал зузалт. Кумаг буван ччисса ухьурча, дакI дирсса арцу дичин бучIиссар ва номерданийсса Сбербанкрал карталийн : 4276 6000 4873 1810, ягу билайн номерданийн: 8-963-414-11-77.
