[dropcap]О[/dropcap]ьруснал драмтеатрдануву декабрьданул 4-нний хьунни дагъусттаннал литературалул классик, лазгиял чичрулийнусса литературалул
гьану бивзма Ятин Эминнун 180 шин шаврин хас дурсса мероприятие.
Ванал оьрмулия ва творчествалия бусласисса доклад бунни Республикалул ХIукуматрал председательнал хъиривчу А. Карибовлул, халкьуннал шаэртал, Арбен Къардашлул, Ханбича Хаметовал, Дагъусттаннал Чичултрал союзрал лазгиял секциялул хъунама Владик Батмановлул.
Ятин Эминнул пагьму-гьунардания, пасихIсса мукъул ва байлсса кьаламрал усттар ивкIшиврия ихтилат бувунни Сулайман-Стальскийл райондалул бакIчи Нариман АьбдулмутIалибовлул. Лазгиял музыкалул ва драмалул театрданул ккаккан бувунни классикнал произведениярттайн бувну бивхьусса спектакльлавасса бутIри, балайчитурал увкунни Ятин Эминнул мукъурттийсса балайрду.
Юбилейрал шадлугърай гьурттушинна дурунни ПаччахIлугърал балайлул ва къавтIаврил ансамбль хIаласса хореографиялул коллективрттал. Классикнал назмурду дурккунни студентътурал ва дуклаки оьрчIал. Оьруснал драмтеатрданул зал бувцIуну бия, чIалай бия шаэрнал аьпалул хIурмат бюхттулну бушиву.
