[dropcap]О[/dropcap]ктябрьданул 5-нний Грозналий къуртал хьунни Ккавкказуллал миллатирттал культуралул ва спортрал IX фестиваль. Муний Дагъусттаннал цачIундур командалул бувгьунни 2-мур кIану.

Жула командалуву ия 38 спортсмен, ми гьуртту хьунни спорт­рал цинявппагу 12 журалувух.

---

[dropcap]Ч[/dropcap]IатIаракI ритаврий арам­туравату ххув хьунни МахIач­къалалиясса Шагьмир Гебедов, Дагъусттаннал командалул бувгьунни 4-мур кIану.
Дагъусттаннал команда (Къарабудагъкантуллал район) ххув хьунни алхъан кIункIу даврийгу, яла хъинмур ккаккия мунил хьун дунни цинярда командарттавату.

Алхъандалийх лавай ла­хъаврий (лазание по канату) кIилчинмур кIану бувгьунни Шамил СалихIовлул (Лаващиял район), командарттава жулламунил бувгьунни 2-мур кIану.
КIилчинми кIанттурду дагъусттанлувтурал бувгьунни мукунма манзилданий кIушиву ласаврий, мини футболданий, тIанкI даврий. Шамилчинмур кIану бувгьунни кIушиву гьаз даврий МахIаммад-Ссалам Багамаевлул, Максим Зиновьевлул ва Зураб ХIажиевлул.
Ка дишаврий Дагъусттаннал командалул бувгьунни 4-мур кIану.

ХIадур бувссар
ХI. Аьдиловлул