ЦIусса дуккаврил шинал цалчинсса зуруй республикалул школарттай хъуннасса къулагъас дикIантIиссар оьрчIан ххуллурдай мюхчаншиву дуруччаву лахьхьин баврих.
Мукунсса хIукму республикалул КIулшиву дулаврил ва элмулул министерствалул кьамул бувну бур, оьрчIру ххуллурдай апатIирттахьхьун бириллалисса ишру чIявуну тикрал хъанай бушиврийн бувну.
З. Тахакьаева
[dropcap]В[/dropcap]а шинаву Дагъусттаннай, ххуллурдайсса ишру сававну, ивкIуну ур 18 оьрчI, 158-нан хьуну дур цIунцIияртту.
КIулшиву дулаврил министерствалул тIалав буллай бур школалийва лахьхьин буллан оьрчIан ххуллурдай мюхчаншиву дуруччаву, нитти-буттахъал ва жяматралгу ва масъалалух къулагъас дуллали буллан.
[dropcap]Ш[/dropcap]коларттай сакин бувну бур «мюхчаншиврул мурцIурду» ва «маршрутрал мюхчаншиврул схемартту». Учительтуран кумагран итабавкьуну бур хасъсса луттирду.
Ххуллурдайсса тагьар мюхчан даврин хас бувсса зурул лажиндарай школарттай зунтIиссар Госавтоинспекциялул ва МВД-лул кIантту-кIанттурдайсса органнал зузалт. Миннал дихьлантIий бур хасъсса дарсру.
Укуннасса даву дуллантIий бур школалийн гьаннинсса дуккаврил идарарттайгу. Сакин дуллай бур детсадирттал тарбиячитурал ишла дуллансса роликру, тIуркIурду.
