Дайдирхьуна дур цIусса дуккаврил шин. Роспотребнадзор цила сайтрай оьрчIал школалийн ласлансса рюкзак ласаврихун­сса маслихIатру буллай бур

Бадрижамал Аьлиева
— Уттизаманнул ца цIурув­кьюсса масъалану бур оьрчIал чурххал тIайласса, я бацIансса къалип шаву ва му буруччаву. Ва ишираву хъуннасса къулагъас дуван аьркинссар оьрчIан тIайласса рюкзак ласаврих, — тIий чивчуну бур Роспотребнадзорданул сайтрай.

[dropcap]Ч[/dropcap]ивчумунийн бувну, рюкзак­рал маркировкалий ккаккан бувну бикIан аьркинссар тIар му ци оьрмулул оьрчIан ккаккан бувсса буссарив. Байбихьулул классир­ттал оьрчIансса портфельданул кIушиву дикIан аьркинссар 700 граммраяр ххи дакъасса, мунияр лавайми классирттал оьрчIансса портфель тIурча, бикIан аьркин­ссар 1 ккилораяр кIу бакъасса.

Байбихьулул школалул оьрчIан­сса рюкзакру бикIан аьркинссар щаллуну ттиликIрайн лаллали­сса ва миву думунил кIушиву гьарца кIанттайн ца куцну лаллалисса. ХьхьичI, чуллах ялагу дикIан аьркинссар цIансса чIумал чани буллалисса элементру. Портфеллу, рюкзакру бувну бикIан аьркинссар куклусса, щин къадуккайсса, марцI дуван бигьасса янналия.