Дагъусттан Республикалул культуралул министрнал буржру чIумуйну биттур буллалисса Зарема Буттаева хьунабавкьунни Москавлия бувкIсса журналист,
«ТВ студия Август» ООО-лул директор, Дагъусттаннаясса цаппарасса фильмардал автор Анна Коряковцеващал.
Бадрижамал Аьлиева
«Культура» каналданул тIалавшиндарайн бувну, 2013-ку шиная шинмай Анна Коряковцевал хIадур дуллалиссар Аьрасатнал халкьуннал аьдатирттан ва багьу-бизулун хас дурсса передачартту. Ванил бусаврийн бувну, Дагъусттан хъанай бур съемочная группа хьхьичI бивсса регионнавасса ца. Уттинин ларсъсса материал, яни 10-ннийн дирсса фильмру, дурххун дур Дагъусттаннал халкьуннал аслийсса культуралун, аьдатирттан хас дурсса передачарттал циклданувун.
[dropcap]В[/dropcap]а кьини хьусса батIаврийсса ихтилатру бия даву гихуннайгу дачин даврийн багьайсса. ДР-лул Культуралул министерствалул бакIчинал барчаллагь увкунни Москавлия бувкIсса хъамалудушнихь, Дагъусттаннахсса ургъилданухлу ва республикалул ххуйсса имидж хьун давриву бихьлахьисса захIматрахлу. Ихтилатру хьунни цачIу щаллу дуллантIисса Дагъусттаннайхсса личIи-личIисса маршрутру машгьур даврицIун бавхIуссагу.
Хьунабакьаврий гьуртту хьунни «Газпром Трансгаз Махачкала» ООО-лул вакил Сабира Исрапиловагу. Шиккува кIицI лаган, ва проект Дагъусттаннай щаллу дуллалиссар Дагъусттан Республикалул БакIчинал миллатрал политикалул аралувусса грантирттайну ва «Газпром Трансгаз Махачкала» ООО-лул кабакьаврийну.
