[dropcap]А[/dropcap]ьрасатнал аьрали тарих лахьхьавриву ПаччахIлугърал ва жяматрал дуллалимур цIакь даву мурадрай, Ххувшаврил музейрал сукку дурну дур Буттал кIанттул цIанийсса Хъунмасса дяъвилул темалуцIун бавхIусса цинявппагу регион ва муниципал музейрду, мукунма школардалссагу, цивппа заллуссагу музейрду цачIун буллалисса проект.
А. Аьбдуллаева
ХIакьинусса кьини проектравух хIала бувххун бур 150-нния ливчусса музейрду, 6 азарунния ливчусса музейрал зузалт.
Гьарца шинах проектравух гьурттусса музейрдавун букIлакIиминнал ккал 7 миллиондалия лирчусса дур. Ххувшаврил музейрал сипталийсса «Ххувшаврил территория» тIисса проектравух хьхьичIва-хьхьичI хIала бувхминнавух Дагъусттангу бур.
ХIала-гьурттуну зунсса икьрал дурну дур ДР-лул Культуралул министерстволул ва Ххувшаврил музейрал. Мукунна кьутIи дурну дур Ххувшаврил музейрал филиал тIитIин Республикалул А. Тахо-Годил цIанийсса национал музейрал гьанулий.
