[dropcap]М[/dropcap]ай зурул 18-нний ЦIуминалийсса ЦIуссачIурттащиял шяраву хьунни «Щаращи» тIисса ниттил мазрайсса шеърирду буккаврил конкурс. Ялун нанисса никирал оьрчIаву ниттил мазрахсса, миллатрал культуралухсса ччаву ххи даву мурадрай дуллалисса ва конкурс гьашину шамилчинни хъанахъисса.

---

Имара Саидова
Конкурсрай гьуртту хьунни ЦIуминалийсса школардал 1-11-ми классирттал дуклаки оьрчIру. Миннал цаннаяр ца пасихIну ккалай бия лакрал шаэртурал шеърирду. Жюрилунгу бигьану ба­къая кьимат бищун, хьхьичIунма язи угьан.

Хъуними классирттал дуклаки оьрчIаву пасихIну шеъри бу­ккаврил номинациялий цалчин­сса кIану бувгьунни Гьамиящиял школданул дуклаки оьрчI Тамазаев Сурхайханнул.
Мюрщими классирттал оьр­чIаву цалчинсса кIану бувгьунни Чапаевкаллал школданул дуклаки оьрчI Мутаев Жабраиллул.

Балай учаврил гьунар кка­ккан бавриву хъуними классир­ттал оьрчIаву цалчинсса кIану бувгьунни ЦIуссачIурттащиял школданул дуклаки душ Ссамадова Надирал ва мюрщими классир­ттаву – ЦIуссаккуллал школданул дуклаки оьрчI Мамаккуев Шяпинал.

Шикку ххув хьусса оьрчIру гьуртту хьуссар МахIачкъалалий Поэзиялул къатраву хьусса Рес­публикалулмур конкурсрайгу.