[dropcap]З[/dropcap]ахIматсса иширттавун багьсса оьрчIалсса буллалисса Фондрал, Аьрасатнал субъектирттащал уртакьну, 2010 шинал хIукму бувссия щалвагу Аьрасатнан аьмсса ца телефондалул номер ккаккан буван оьрчIан: 8-800-2000-122.
П. Рамазанова
[dropcap]В[/dropcap]а оьрчIансса вихшалдарал номерди. Ва номер цинявппагу оьрчIан, нитти-буттахъан кIулну бикIан аьркинссар. ЗахIматсса тагьарданувун багьсса, маслихIат аьркинсса оьрчIаща, чIаважагьилтураща ва нитти- буттахъаща, ва номерданийн оьвкуну, цалва буруккинттарая бусан шайссар, психологтурал кумаг уквассар.
Оьвкукун, цIа-бакI кIицI лаглан аьркиншинна дакъассар, я психологтуралгу цIанил хIакъираву суаллу къабулайссар.Вихшалдарал телефон аьркинну душиву исват хъанай бур, арулла ва дачIи шинал дянив мяйва миллион инсантурал ва телефондалийн бувкшиву хIисавравун лавсукун. Хаснува чIявуну оьвчайсса бур чIаважагьилтурал.
Май зурул 17-чинсса кьини щаллагу дунияллий кIицI лагайссар ОьрчIансса вихшалдарал телефондалул кьинину. ДакIний битангу бигьасса номер бур. Дур хасъсса сайтгу: www.telefon-doveria.ru ва «ВКонтакте» социал сетьрай хасъсса лажингу.
Къаххуйсса иширттавун багьсса, къумасса оьрчIал чIарав чIумуй бацIаву, миннал щавурдай ка дишаву психологтал цала давриву ца яла агьаммурди тIий бур. Цамур куццуй бикIангу къааьркинссар. ДакIний дитияра телефон ( 8-800-2000-122),чичара зучIара.
