ДР-лул Миллатирттал политикалул министерствалий хьунни оьрус миллатрал агьалинал масъалартталсса бувайсса Дагъусттан Республикалул ПаччахIлугърал комиссиялул батIаву.

Бадрижамал Аьлиева
[dropcap]М[/dropcap]унивух гьуртту хьунни Комиссиялул председательнал хъиривчу, ДР-лул миллатирттал политикалул министрнал буржру чIумуйну биттур буллали­сса Татьяна Гамалей, Комиссиялул секретарь Наталья Евсеева, Тарумовскаллал райондалул бакIчи Александр Зимин, ДР-лул захIматрал ва соцразвитиялул министрнал хъиривчу Зураб БахIаммадов ва цаймигу.

БатIаву дачин дурну бия Татьяна Гамалей.
Зураб БахIаммадовлул бувсунни республикалул округир­ттай социал щаллушиндарал­сса буллалисса идарарттал оьрус миллатрал инсантуран ци давур­тту дуллай буссарив, миннуву яла-яла чIурчIав дунни муша­къатсса ва ургала акъа ливчIсса оьрчIал социал реабилитациялул ва адаптациялул ххуллий дуллалими давурттай.

Агьали социал хIаллих­ши­н­нардал щаллу баврил центрдал давурттая ихтилатру бунни Кулпатран ва оьрчIан социал кумаг баврил центрданул директор Майрам Расуловал ва м.ц.
МахIачкъала шагьрулул шаннагу райондалий оьрус миллат­рал агьалинал масъалартталсса байсса комиссияртту цукун зий буссарив бувсунни районнал администрациярттал вакилтурал.
БатIаврил хIасиллайн бувну цаппарасса хIукмурду кьамул бунни ва хасъсса идарарттай цаппарасса бигарду бивхьунни.