[dropcap]И[/dropcap]юньдалул 1-2-нний Каспийск шагьрулийсса Спортрал къатраву хьунни Суракьат Асиятиловлул аьпа абад баврил греко-римуллалзумунулачIун буккаврил дунияллул халкьуннал дянивсса турнир.
[dropcap]М[/dropcap]уний гьуртту хьунни 6 билаятраясса лачIунбуккулт: Аьрасатнал, Азирбижаннал, Арманинал, Белоруссиянал, Къазахъисттаннал ва УзбакIисттаннал. Ца Гуржиял команда къадуркIунни, гьуртту хьун бакIрайн лавсун бивкIнугу.
Турнирданий мусил медаллу ларсунни Георгий Тибиловлул (55 кило, Алания), Акмал Туяковлул (60 кило, Къазахъисттан), Адам Гуажаевлул (63 кило, Москав), Сергей Кутузовлул (67 кило, Ростовуллал улча), Мурад Мусаевлул (72 кило, Мордовия), Егор Кьадировлул (77 кило, Москав), Артем Калиниченкол (82 кило, Ростовуллал улча), Сяид-МахIаммад Абубакаровлул (87 кило, Чачаннал Республика) Азамат Сяидовлул (97 кило, Къирим), Рамазан Шахшамишевлул (130 кило, Къабардин-Балкьария).
Дагъусттаннал лачIунбуккултравату яла ххуймур хIасил хьун дунни 77 килорай кIилчинмур кIану бувгьусса Милад Аьлирзаевлул.
