Вираттиял МахIаммад-Сани

Вираттиял МахIаммад-Сани

Ва ххаллилсса, гьарца ишираву авкьусса адамина къакIулсса чансса бакъа бакъахьунссар жула лакрал дянив. КъакIулнангу кIул хьун, ттун ца-кIива махъ учин, чичин ччан бивкIунни ва чувная.

Вираттиял шяравасса Ссунгъурдул арс Абакаров МахIаммад-Сани ттун ккавкссар нава чIивисса чIумал. Ва учIайва жул шяравусса, Хьуривсса, цала дустурачIан. Ванал хьхьичIунсса дустал бия: Расул МахIаммадов, яла махъ мединститутгу къуртал бувну, 28 шинай МахIачкъалаллал 2-мур азарханалий хирургну зий ивкIсса; Мирза Сулайманов – шяраваллил хозяйствалул элмурдал кандидат; Бадави Кьурбанов ва цаймигу.

Яла, 1958-ку шинал, ттун ва ккавккуна Расуллул хъатIий: МахIаммад-Сани ия цала дуснал чIаравоьрчIну. Му хъатIий МахIаммад-Сани ия Хьурттал жяматрал дянив хъинну хъунмасса хIурматрай. ЦIанагу ва кIулнан вава хIурматрай ур. МахIаммад-Санинал чIявуссаннан аьркинсса чIумал кумаг бувссар, иш багьни, чIарав авцIуссар. Ванал дурсса чIярусса ххуйсса давурттая къачичланна, амма ттунма тачIав дакIния къабу­ккайсса ца иширая бусанна.
1979-ку шинал ттула ссил арснал Грознайлий мичиххичнащал ца къалмакъал хьуну, иш судрахун багьну, ганал судрайн най ­уссияв. Гихун ттущала учIан икьрал дурсса ттула ниттил ссурахъу АхIмадлучIан нани ххуллий хьунаавкьуна МахIаммад-Сани. Нава ци иширай, чун най уссарив бувсукун, на зу зувалу гьан къабитайссару, бацIи чансса хIаллай, шавайгу ивну, учIанна куна мунал. Яла, шавайгу ивну, жущал Грознайлийн увкIссар, гьарзадгу кьариртун.

Ва хъунна­сса инсаншивугу, чувшивугу дурсса адиминаща ци-цигу ххуйшивуртту дан шайссар ялагу. Иш бивкIссар питналухун багьсса, суд бивкIссар жапасса, мичиххичнал, жу ва банну, та банну тIий, ттула маччахъул нигьачIакIул буллалисса. Муния махъ МахIаммад-Санинал хIурмат ттучIагу, ттул гъан-маччаначIагу хъиннува лахъ хьуссия.
МахIаммад-Санинал ппу Ссунгъур, колхозру дуллалисса чIумал, Вираттиял, Инишиял, Ккуцрал, Аьхъар­дал цачIусса колхозрал цалчинма председательну увчIуну ивкIун ур. Гьунар бусса, хIурмат лавайсса адимина къаивкIссания, мукьра щарнил халкьуннал цала колхозрал председательну къаувчIинссия.

Му буттал лайкьсса арс Абакаров МахIаммад-Сани лахъсса категориялул хIакин-хирургри, хъунмасса хIаллай МахIачкъалаллал портрал азарханалул хирургиялул отделениялул каялувчинугу зий уссия. Яла махъ МахIачкъалаллал 1-мур азарханалий хьхьичIунма хирургну уссия.
На чIа тIий ура ттула хьхьичIунсса дуснан цIуллушиву, цIу-цIусса ххуй-хъиншивуртту!

Нагу Хьуриятусса АьвдуллатIип
АьвдуллатIипов

Читайте также: