[dropcap]В[/dropcap]ай гьантрай МахIачкъалалив ДР-лул УФСИН-далул хъунаманал хъиривчунал буржру биттур буллалисса виваллил къуллугърал полковник Аьликьади МахIаммадов хьунаавкьунни Дагъусттаннал региондалийсса «Ххувшаврил волонтертал» тIисса щалагу Аьрасатнал жяматийсса суккушиндарал отделениялул директор МахIаммад ХIусайхановлущал. Хьунабакьаврий ххал бивгьунни аьмсса масъалартту ва кьутIи дунни гихунмайгу хIала-гьурттуну зунсса.
И. Саидова
[dropcap]И[/dropcap]кьралданул агьамми бутIринугу ккалли бунни изолятордавун бавкьуминнащал ва дуснакь бувминнащал жура-журасса мероприятияртту дуллалаву.
Аьликьади МахIаммадовлул бусаврийн бувну, кIивайнналвагу цачIуну дуллантIий бур дуснакь бувми патриот зумуну тарбия буллалисса, балугъравун къабивминнахь маслихIатру буллалисса ва ми цала ихтиярдащал кIул буллалисса давуртту.
Му бакъассагу, дуснакь бувминнан юристътурал уква кумаг бантIий бур цала ихтиярду дуруччаврил ххуллий. Гихунмайсса оьрмулуву дуснакьлувтал тIайла бацIан баву мурадрай, насихIат буслай, миннащал хьунабакьлантIий бур машгьурсса спортсментал.
