[dropcap]М[/dropcap]ахIачкъалалив дурусну ца шинал хьхьичI тIивтIусса «Мама Патимат» цIанилусса Республикалул перинатал центрданун ца шин хъанахъисса шадлугъ кIицI ларгунни.

З. АьбдурахIманова
[dropcap]Ш[/dropcap]иккува дакIнийн бутан, Ухссавнил Ккавкказуллай ца яла гуж бусса ва хъунисса перинатал центрдавасса цану хъанахъисса идаралий шинал дянив бувну бур 4 азарунничIан бивсса оьрчI, миннувух – ттуршунния ливчусса кIинничалт. БакI буккан бан бювхъуну бур чIявусса чIун дияннин бувсса вилттилиоьрчIру.

[dropcap]Ш[/dropcap]адлугърай гьуртту хьун бувкIун бия ДР-лул ЦIуллу-сагъшиврул министерствалул отделданул хъунмур Раиса Шагьсинова ва «Аьрасатнал нитти­хъул» суккушиндарал Дагъус­ттаннайсса отделениялул хъунмур Таиса МахIаммадова.
Шадлугъ тIитIлай, Перинатал центрданул хъунама хIакин Низам ХIусмановлул, цинявн­нахь юбилейгу барча дурну, кIицI лавгуна ца шинал дянивугума цалва коллективрал хъуннасса даву дуршиву.

Давриву хьхьичIун ливчу­сса центрданул пишакартуран Аьра­сатнал Минздраврал ва Да­гъусттаннал Минздраврал чулухасса грамотарттугу дуллуну, хъамаллурал «Ниттихъал аллея» бан ккаккан бувсса кIанай жагьилсса мурхьру бувгьуна ва миккура «Ниттил къюкI» тIисса цIанилусса лишангу дацIан дуруна.
Юбилейрал ахирданий тя­хъа­сса балайрдайну ва къав­тIавурттайну центрданул зузалт барча бувна Дагъусттаннал эстрадалул балайчитурал ва шагьрулул магьирлугърал школарттал оьрчIал.