[dropcap]М[/dropcap]айрал 27-нний кIицI лагайсса Библиотекарттал кьинилун хасну ДР-лул Культуралул министерствалий хьунни республикалул библиотекарттал зузалтран бахшишру дуллалисса батIаву.
* * *
«Ттул кулпат – ттул ххаришиву» тIисса цIанилусса батIаву хьунни Республикалул яруннин чани бакъаминнансса хасъсса библиотекалий, щаллагу дунияллий кIицI лагайсса Кулпатрал кьинилун хасну.
* * *
М. Горькийл цIанийсса Оьруснал театр Тамбов шагьрулий уттигъанну хьусса театрал фестивальданий ккаккан бувсса «Смеется ли Чехов» тIисса спектакльданухлу лайкь хьунни кIира номинациялийсса бахшишран.
* * *
Июньдалул 1-нний щаллагу дунияллий кIицI лагайсса ОьрчIру буруччаврил кьини Оьруснал театрданул хьхьичIсса майданнив хьунни Республикалул оьрчIал творчествалул VIII фестиваль «Зунттал оьрчIру» («Маленькие горцы»). Мунивух гьуртту хьуссар республикалул районнаясса ва шагьрурдаясса оьрчIал творчествалул коллективру.
ХIадур бувссар
Бадрижамал Аьлиевал
