[dropcap]И[/dropcap]юньдалул 1-нний ДР-лул БакIчи Владимир Васильев МахIачкъалалив хьунаавкьунни «Газпром» ПАО-рал Правлениялул председатель Валерий Голубевлущал.
[dropcap]Р[/dropcap]еспубликалул каялувчинал бувсунни махъра-махъсса хьунабакьаву хьуния шинмай цаппара ишру хьуну бушиву ва ми ххал бигьинтIий бушиву «Газпром» ПАО-рал регионнал политикалул комиссиялул батIаврий. Муний гьуртту хьунтIий бур республикалул циняв шагьрурдал ва районнал бакIчитал, ихтиярду дуруччай органнал каялувчитал. Владимир Васильевлул бусаврийн бувну, му батIаврий циняв мурадлувсса идарарттал хьхьичI бишинтIий бур балжисса масъалартту.
«Жу утти цамур куццуй зунтIиссару, агьалинан бувчIинтIиссар жу дуллалимур, мунияту жуцIун агьалиналгу кабакьлантIиссар. Уттигъанну жучIана увкIунни Верховный судрал цIусса председатель Сергей Суворов. Прокуратуралий каялувшиву дуллай ур цIана Денис Попов. Совещаниялий гьуртту хьунтIиссар мигу, мурадлувсса министргу, давурттахлу жаваб дулаймигу. Гьарцаннал бусантIиссар цалла дурсса даврия. Ми давуртту дузрайн дуккан даву хавардайну къуртал къахьунтIиссар, жура аьркинссар тагьар даххана дуван», — увкунни Владимир Васильевлул.
[dropcap]Р[/dropcap]еспубликалул каялувчинал мукунма гьаз бунни, ихтияр дакъанура, газрал бургъулувун кьувтIуну, газ бацлай ччучлай бивкIшиву калпушру байсса заводирттай. Мунал мукунма бувсунни шагьрурдай ва районнай газрахсса ва токрахсса багьрал ялув бацIаврил программа дузрайн дуккан дуллай бушиву.
