[dropcap]В[/dropcap]а къаххуйсса иш халкьуннан дакIний личIан хъунмасса «кабакьу» хьунни хаснува социал сетьру сававнугу. Хъиривмур кьини Дагъусттаннал интернетрай ппив хьуна «МахIачкъалаллал школалий ЕГЭ-лул сакиншинначитурал «шпаргалкалущалсса» душ бувгьуну махъ, мунил цинма цила бувну бур» тIисса мяъналийсса информация.

З. АьбдурахIманова
[dropcap]И[/dropcap]нформация къатIайлашиву тасттикь баншиврул, ДР-лул КIулшивуртту дулаврил министерствалул мува мугьлатрай ЕГЭ най диркIсса кIанттайсса видеортту ххал диргьуну дур. Миннуй чIалай дур душ щябивкIун бивкIсса класс­равусса аьмсса тагьар. Циняв паракьатну, цанна ккаккан дурсса чIун гьаннин, экзамендалул давур­ттаха зий бур. Классрава махъва-махъ, давугу дуллуну, буклай бур цуппа душгу.

Министерствалул бусаврийну, гания махъ душнин цивхьуссарив ттигу балжийну бусан бюхълай бакъасса бур. Най дусса дур ДР-лул Минздраврал чулухасса хъиривлаявуртту.
«Оьрус мазрал экзамен душ щябивкIун бивкIсса школалий цукунчIавсса дайшишру дакъа хьуссар. Видеосвязьрал каширду ишла дурну жу ххал бигьарду гьарца ша. Я жул, я низам дуру­ччай къуллугърал итталун дагьансса цичIав къаляркъунни. Щала жул коллектив дакIнихтуну жижара буллай бур душнил нитти-буттахь, уссурссуннахь.

ОьрчI бивчIаву – му хъинну духIан захIматсса къюву дур цума-цаннангу», — кIицI буллай бур ДР-лул КIулшивуртту дулаврил министерствалул пишакар.
Хъунмасса тавакъю буллай бур вай социал сетирдавун буххайминнахь, хъирив къалавсса иширттайн вих хьуну, бавккусса хаварду ппив мабулларди тIий.