Британиянал МВД-лул хъунама – бусурманчу
[dropcap]В[/dropcap]еликобританиянал МВД-лул цIусса министрну ивтунни Сажид Дживид тIисса бусурманчу. Тайннал билаятрал тарихраву цалчинни укунсса къуллугърай бусурманчу итлатисса.
Сажид Пакисттаннал иммигрантътурал кулпатравасса ур, уттинин цувагу регионнал иширтталсса буллалисса министерствалий каялувшиву дуллай ивкIун ур.
СсукIа битаврихлу – дуснакь
Израиллай цала хъатIий ссукIа ттупанг бивтсса аьраб дуснакь увну ур. Интернетравун дагьну дур му гьалмахтуращал архIал хъатIий ссукIа битлатисса видеоролик, гассят хъирив багьну, жалинчу увгьуну, дуснакь увну ур, мунал гьалмахтурахгу луглай бусса бур. ХъатIай ссукIа битаврий къадагъа душиву цимилагу баян бувну бивкIун бур.
Лахъну «азан»
учин къабитан
Норвегиянаву миграциялул масъалартталсса буллалисса партиялул баян бунни мизитирттаву лахъну «азан» тIутIаврийн къадагъа дишин ччай бушиву. Му партиялул чул бувгьуми бур мизитирттал чIаххуврай яхъанахъисса инсантуран азанналул чIу хас къабизлазиссар тIий. ТIайлассар, Норвегиянал минюст миннал тIутIимуницIун бакьлай бакъар, азандалийн къадагъа дуваву инсантурал ихтиярду ссуссукьу дувавур, Европанал конвенциялунгу къакьамулссар мукунсса къадагъа тIий.
Цюрихрай зунтIий бур маллатал
Швейцариянал властирдал баян бунни цIусса шиная тинмай Цюрихрайсса азарханардай, бугьараминнансса ва мушакъатминнансса къатраву маллатал, имамтал зунтIишиву ва ми хIадур буллай бушиву Фрибурдал университетравусса Швейцарнал исламрал центрданул. Уттинин 100 азара бусурманчу яхъанахъисса Цюрихрай зий ивкIун ур анжагъ ца имам – Мурис Бегович. Швейцариянаву учительницахьхьун ка дулун махъаллил хъанахъисса дуклаки оьрчIай 4500 евро аькIлун тIалав дуллалисса закондалулгу агьалинавун биялсса аваза бувтссия. Тайннал аьдат дусса дур учительнал хIурматран мунахьхьун ка дулайсса. Амма цаппара школарттал дирекциялул ихтияр дуллуну дур бусурманнал дуклаки оьрчIахьхьун учительницахъахьхьун ка къадулаван. Мяйва миллион агьалинал яхъанахъисса Швейцариянаву 350 азара бусурманчу усса ур.
ХIадур бувссар
П. Рамазановал
