Уттигъанну Каспийскалий хьунни «Зарница» тIисса аьралуннал ва спортрал тIуркIурдал зоналулмур этап. Бяст-ччаллаву гьуртту хьунни Зунттал, Кьиблалул, Ухссавнил ва Дянивмур округирттайсса районнал ва шагьрурдал вакилтал. Гьарца зоналия финалданийн дурккунни шан-шанна команда.
Андриана Аьбдуллаева
Ухссавнил зоналул командарттавух дия ЦIуссалакрал райондалул командагу. ЦIуссаккуллал 2-мур школалул 11-мур классрал дуклаки оьрчI СаэдахIмад Кьурбановлул, лахъишиврий тIанкI увкуну, 2-мур кIану бувгьунни. Турникрай гьаз хьуну, 2-ми кIанттурду бувгьунни мукунма ЦIуссаккуллал 2-мур школалул 9-мур классрал дуклаки оьрчI Заур Къадинаевлул ва Аьхъардал школалул дуклаки оьрчI Астемир Сайпуллаевлул.
«Зарницалул» финал хьунни Избербашрай. Шиккугу СаэахIмад Кьурбановлул, лахъишиврий тIанкI увкуну, республикалий 2-сса кIану бувгьунни.
ХьхьичIун лирчусса командарттан ва дуклаки оьрчIан дуллунни грамотартту ва дипломру.
