[dropcap]Л[/dropcap]аргсса нюжмар кьини Лакрал театрдануву хьунни Дагъус­ттаннал халкьуннал артистка Жинасат ДинмахIаммадовал юбилейран хас бувсса бенефис.

---

Зулайхат Тахакьаева
Дагъусттаннал халкьуннал артист Аслан МахIаммадовлул бувсуна актрисал творчествалул ххуллуя.
Муния махъ экрандалия кка­ккан бувна Жинасатлул агьамми роллу дургьусса «Ласнал нину», «БурцIурдил хъатIи», «Ччаву ва макь», «Махъра-махъсса кьинигу», «ЛухIи кьини», «Ханума» спектакллавасса бутIри.

ДР-лул культуралул министр­нал цIания актриса барча бувна театрданул каялувчи Бадрижат МахIаммадхIажиевал.
Дурккуна Дагъусттан Республикалул Жяматийсса Палаталул хъунаманал хъиривчу Ссапар Аьбдуллаевлул цIаниясса барча бавугу.

Дагъусттаннал театрал иш­ккаккултрал цIания Жинасат, ванин хас бувсса балайгу ув­куну, барча бувна Театрал иш­ккаккулт­рал союзрал хъунаманал хъиривчу Байсултан Осаевлул.
Лакрал райондалул каялувчитурал ва жяматрал цIания акт­риса барча бувна райондалул Культуралул управлениялул каялувчи Лида Кьурбановал.

Муния махъ ккаккан бувна Федерико Гарсиа Лоркал «Бернарда Альбал къатта» спектакль.
2011 шинал Владикавказрай Дунияллул халкьуннал дянивсса миллатирттал театрдал ххюлчинмур фестивальданий ва спектакльдануву Бернардал рольданухлу Жинасат ДинмахIаммадова лайкь хьу­ссар «Яла агьаммур роль» премиялун.