Кьурбаннул арс Илдаров МахIаммад
[dropcap]О[/dropcap]ьрмулул 67 шинаву дунияллия лавгунни 1-мур ЦIувкIратусса Кьурбаннул арс Илдаров МахIаммад. АцIния кIира шинал оьрмулуву МахIаммад, ссяткарнал пишагу лавхьхьуну, зий ивкIун ур цал Къазахъисттаннай, яла Аьшттарханнал областрай.
Красный Яр шагьрулий хьхьичIва мизит бивкIсса кIанугу лявкъуну, тикку хъунмасса мизит бацIан бан аьркинссар тIий, Аьшттарханнал губернаторначIан ияннин занай, мизит баву тIалав дуллай ивкIун ур.
МахIаммад дунияллия лавгсса хавар бавну, му ссяткарну зий ивкIсса кIанайн, оьрус бикIу, татар бикIу, чIявусса инсантал занай бивкIун бур. КIанттул агьулданучIа мунал кьимат лахъсса бивкIун бур.
МахIаммад ия буттал улча, шяравалу, шяраваллил агьлу, гъан-маччами ххирасса инсан. Зунттавунай изанна тIийнасса пикрирдай унува, увцунни Аллагьу Тааьланал ахиратравун, цалла муданнасса миналийн. ДакIнихтунусса кьурчIишиву кIидачIлай, жижара буллай буру кулпатрахь, арснахь Нураттиннухь, душнихь Иринахь, уссурваврахь, ссурваврахь, щалвагу агьлу-авладрахь.
МахIаммадлул рухI хъинний дишиннав, Алжаннул ххари уваннав!
1-мур ЦIувкIуллал жямат
Шамиллул душ Кьурбанова Гьидаят
[dropcap]В[/dropcap]ай гьантрай оьрмулул 88 шинаву дунияллия лавгунни 1-мур ЦIувкIратусса захIматрал ветеран, ххаллилсса хъамитайпа,
Шамиллул душ Кьурбанова Гьидаят. Ванил захIмат ххирасса, цила ласнащал Мааьбиящал ацIва оьрчI ччаннай бацIан бувну, чивун буккан бувссар. Гьидаят буссия инсантуращал хIал бавкьусса, дакI-аьмал ххуйсса хъамитайпа, шяраваллил жяматрал дянивгу хIурматрай буссия.
Гьидаят дунияллия лагаврил кьурчIишиву кIидачIлай, жижара буллай буру ванил арсурваврахь, душваврахь, миннал наслулухь, уссурваврахь ва щалвагу агьлу-авладрахь.
Имандалий лавгун лякъиннав, алжаннул ххари баннав, Гьидаятлул барачат махъ ливчIун лякъиннав!
1-мур ЦIувкIуллал жямат
ХIасаннул арс Къараев ХIусайн
[dropcap]М[/dropcap]артрал ахирданий хар-хавар бакъа ахиратравун лавгунни уздансса зунттал чув, хьхьичIунсса ккарччал хIакин, Щардал шяравасса Къараев ХIусайн ХIасаннул арс.
Увну ур ХIусайн 1941 шинал. Увну ца зурувату мунал ппу аьрайн лавгун, дяъвилия зана къавхьуну, ХIусайн ятинну ливчIун ур.
1961 шинал ванал къуртал бувну бур Гъумучиял дянивмур даражалул школа, яла лавгун ур армиялийн. Тикку къуртал бувну бур сержант шайсса школа. Цала хIарачатрайну 1963 шинал увххун ур Читиннал стоматологиялул институтравун. Мугу ххювардай къуртал бувну, захIматрал ххуллу байбивхьуну бур 1968 шинал. Зун тIайла увккун ур Архмур Баргъбуккавал чулийсса Спасс-Дальний тIисса шагьрулийн. Тийх зий 3-4 шингу дурну, ивзун ур Азирбижаннавун. Тиккугу зий ивкIун ур мува цала пишалий. Муния махъгу зий ивкIун ур цайми-цаймигу кIанттурдай. Чув зий ухьурчагу, цала даву ххирасса ва ххуйну кIулсса пишакар хIисаврай ХIусайннул хIурмат мудангу ххишаласса бивкIун бур.
ХIусайн ия дакI аьчухсса, чIивинащалгу, хъунанащалгу хIал бавкьусса, пиш тIийнасса инсан. ХхюцIалла шинал мутталий зий, цимиягу инсаннан кумаг бувссар ванал.
Лап ххирассия ХIусайннун цала гъан-маччамигу, Щардал жяматгу, дусталгу.
ХIусайн аьпалул шаврил кьурчIишиву кIидачIлай, жижара буллай буру кулпатрахь, арсваврахь, махъсса гъан-маччанахь. Имандалий лавгун лякъиннав, цал гьав нурданул дуцIиннав, алжаннул ххари аннав.
АрхIал дуклай бивкIсса гьалмахтурал чулухату
Арсен Магьдиев
