Ярагъинал душ Дандамаева Светлана
Къашавай шаний хъунма хIалгу къавхьуну, майрал 7-нний аьпалул хьунни Ярагъинал душ Дандамаева Светлана.
Светлана бувссар 1959 шинал сентябрьданул 15-нний ГьунчIукьатIатусса Ярагъинал ва Шахьуватусса Марияннул кулпатраву.
Светланал Каспийск шагьрулий 4 класс къуртал бувну, вайннал кулпат бивзун бур МахIачкъалалив. Микку 2-мур школалий 8 классгу бувккуну, бувххун бур Музыкалул училищалувун.
Ниттил Марияннул оьсса бивкIулия махъ, къуртал къадурнура дуккавугу, цал театрдануву хорданул, яла Дагъусттаннал балайлул ва къавтIаврил ансамбльданул солисткану зий бивкIун бур. Республикалий хъанахъисса чIярусса шадлугъирттавух, культуралул иширттавух гьуртту шайсса бивкIссар ва.
Кулпатрал хьуну, бувну бур шанма душ. Пенсиялийн бувккун махъ, душнил оьрчIах буруглай, канил давурттахух лавгун, эмаратсса, итталун дагьансса затру щашлай бикIайссия карунних ва машинкалий.
Цибанссар, укунсса кьадар нясивну бивкIун бур ванин.
Светланал бивкIулул къумашиву кIидачIлай, жижара буллай буру душварахь – Марияннухь, Наргизлухь, Фаридахь, ссихь Оксанахь ва ссил арснахь Бахтиярдухь, ниттилссихь Субарижатлухь ва Закирдухь, махъсса гъан-маччаминнахь.
Светланал рухI бигьаний дишиннав, вания кьуркьусса оьрмулул шинну ванил душваран, душварал оьрчIан ххи дурну лякъиннав, цил бунагьирттал аьпа баннав.
Шахьуйннал
ва ГьунчIукьатIрал жямат
МахIаммадлул арс Мутаев Шагьимардан
[dropcap]В[/dropcap]ай гьантрай, захIматсса цIуцIаврища ххассал ан къавхьуну, ахиратравун лавгунни уздансса чув, Ххутрал шяравасса МахIаммадлул арс Мутаев Шагьимардан .
Увну ур Шагьимардан 1945 шинал Ххутрал шяраву. МахIачкъалалив школагу къуртал бувну, аьралий бурж лавхъун бур хьхьирил флотрай.
ЗахIматрал ххуллу байбивхьуну бур усру дай фабрикалий зий.
Цимирагу шинай уссия Невынаминск шагьрулий личIи-личIисса давурттай зий. Махъва-махъгу мина дуруна Кислав шагьрулий. Шагьимардан уссия аьмал ххуйсса, уссия хъинну хъамал ххирасса, Кисловодскалийсса Шагьимарданнул къатта цинявппа ххутрангу, чIявусса лакрангу кIулссия, хъамал бакъасса чIун миннал къатлуву къашайссия.
Цибанссар, чичру укунсса духьунссия, гъурбатрай паракьат хьун багьунни.
Шагьимардан ахиратрал шаврил хъуннасса кьурчIишиву кIидачIлай, жижара буллай буру кулпатрахь Розахь, душнихь Мадинахь, ссихь Ххадижатлухь, уссурваврал оьрчIахь, ссил оьрчIахь, гъан-маччанахь, агьлу-авладрахь, цинявннахьвагу.
Гьав нурданул дуцIиннав, алжаннул ххари аннав. Махънал оьрмурдал барачат бишиннав. Амин.
Ххутрал жямат
[dropcap]В[/dropcap]аччиял жяматран хъинну ххирасса, мудангу жул дувайсса давурттал чIарав бацIайсса Качар ХIусайнаевахь, хъуннасса кьурчIишивугу кIидачIлай, жижара буллай буру, аьзизсса нину
Шамай
аьпалухьхьун лагаврийн бувну. Алжаннул ххари баннав, рухI хъинний дишиннав, гьав нурданул дуцIиннав. ОьрчIалгу, оьрчIал оьрчIалгу, махъсса гъан-маччаналгу оьрмурдай барачат бишиннав.
Ваччиял жяматрал цIания Гь. Саидовлул цIанийсса ккуран
Хъуннасса кьурчIишиву кIидачIлай, жижара буллай буру ХIусайнаева Качар Абачараевнахь, ванил аьзизсса нину
Шамай
жуятува личIи шаврийн бувну.
Цил гьав нурданул дуцIиннав. Алжаннул ххари баннав. Махънал оьрмурдай барачат бишиннав.
Любовь ва Альберт
Чаллаевхъул
