Бартбивгьунни бусравсса мурад

Ххувшаврил байрандалул хьхьичI кьини Лакрал райондалий ялапар хъанахъисса Хъун дяъвилул ветеран Ибрагьимов Жамалуттин Республикалул БакIчинал цIания барча ан бувкIун бия ДР-лул культуралул министр Зарема Буттаева. Цала чулуха му барча ан бувкIун бия виваллил иширттал министр Аьвдурашид МахIаммадов ва Халкьуннал Мажлисрал депутат ЖахIпар Абуев.


[dropcap]Р[/dropcap]айондалул бакIчи Юсуп МахIаммадовлущал делегация лавгуна ГьунчIукьатIув. Ветеран ва ванал кулпат Баянат барчагу бувну, бахшишру дуллуну махъ ми гьур­тту хьуна дяъвилия зана къавхьуминнансса гьайкалданучIа Ххувшаврил кьинилун хас дурсса дук­лаки оьрчIал линейкалий. Ми­чча делегация, Хан-Муртазааьлил гьайкалданучIа тIутIал шалкригу бивхьуну, лавгуна Убрав ттигъанну дунияллия батIул хьусса дяъвилул ветеран Къардашов ХIусманнул жижара бан.

Яла лавгуна, Аьрасатнал МВД-лул «Лакский» МО-лул хIаятраву дацIан дурсса, къуллугърал бурж биттур буллай ливтIусса полицалул зузалтрал гьайкалданучIа тIутIив дишин. Делегация гьуртту хьунни Гъумучиял школалул дуклаки оьрчIал линейкалийгу. Дяъвилия зана къавхьуминнансса гьайкалданучIа бивхьунни тIутIал шалкри.

ХIадур бувссар
Зулайхат Тахакьаевал