[dropcap]Г[/dropcap]азрал счетчикру чара бакъа дишин аьркиншиврул чIун лахъи лаглагиссар гьашинусса шинал ахирданийннин. 2016 шиная шинмай газрал щаллу байссаорганизациярттал газрал счетчикру дишин буллай бур ми дакъасса къатраву.
2019 шинал январьдания шинмай счетчикру дакъасса къатраву газрал организациярттал цалла дихьлантIиссар цалва багьлух, амма му чIумал къатрал заллухъруннан аьркинссар счетчикрахсса ва га дишаврихсса багьа лахъан. ЦIанасса ппурттуву 65-70% къатраву дирхьуну дур счетчикру.
Счетчикру диширча, газрахсса арцу чанну харж хьунтIиссар, цанчирча къатрал залуннал буллалиссар так цалва ччувччусса газрахлусса багьа. Счетчик дакъахьурча, багьа ласайссар норматив хIисав дурну, яни къатрал лагругу, яхъанахъисса инсанталгу хIисавравун лавсун. Газрал счетчикру дишин бюхъайссар так лицензия ва дишин ихтияр дусса организациялуща. Ми дишаврил хIакъираву лабизан аьркинссар МахIачкъалаллал газрал щаллу байсса организациялийн.
ХI. Аьдилов
