Гъараллал биян бувсса зараллу лахъантIий бур

[dropcap]М[/dropcap]айрал 22-нний Да­гъус­ттаннал ХIукуматрал Председатель Артем Здуновлул каялувшиврий хьунни гужсса гъараллалАхъушиял ва Лаващиял районнайн биян бувсса зараллу лахъаврил хIакъиравусса батIаву.

— Гьалмахтал, хьусса тагьар цинявннан кIулну дур. Мунищала архIал аьркинни кIул буван агьалинан чявхъа гъараллал биян бувсса зараллу. Ттухь бувсунни зараллу хьуну бушиву шяраваллал хозяйстварттангу, ххуллурдангу. Бусира, цукунсса кумаг аьркинссарив ми зараллу бухлаган баншиврул», — увкунни А. Здуновлул.

ДР-лул МЧС-рал управлениялул бакIчи Нариман Ка­зимахIаммадовлул бусаврийн бувну, гужсса чявхъа гъараллу ларчIун дур майрал 21-нний Лаващиял райондалий. Мукьра шяраву бачIи-кьачIисса зарал бивну бур шяравусса ххуллурдал сайки 2 километралул манзилданий, зарал бивну бур бахьтта инсантал заназисса ламуйн, мукунна 80 гектарданийсса ххяххиярттайн. Ахъушиял шяраву гъарал щинал ларсун дур ца къатлул лагмасса аьрщи ва Пенсиярттал фондрал къатрал 1-мур зиву. Артем Здуновлул бувсунни, аьркинну бушиву муниципал сакиншиннардащал хIала-гьурттуну кумаг буван.
ХIадур бувссар
ХI. Аьдиловлул