«ЛачIун буккаврил цачIусса дуниял» («Объединенный мир борьбы») тIисса Дунияллул халкьуннал дянивсса федерациялул президент Ненад Лаловичлул дурунни Дагъусттаннай хьу­сса лачIун буккаврил Европанал чемпионатран хас дурсса пресс-конференция. Мунал бувсунни республикалий ва хъуннасса турнирданул цайнма биян бувсса асардая.

---

Журналистътурал цалчинмур суал бия лачIун буккаврил кьяйдардаву хьусса дахханашивурттаясса.
— Дахханашивуртту хьу­ссар греко-румуллал зумунусса лачIун буккаврий баллу хIисав бавриву. Мукунна чан-кьансса дахханашивуртту хьуссар илкинну лачIун буккаврий, амма ми­ккугу кьяйдарду даххана къархьуссарча, так баллу хIисав баврил системалувур дахханашивуртту хьусса», — увкунни Лаловичлул.

Хъиривмур суал бия спортсментурал чурххал кIушиву цинцилттай дуцаврил хIакъиравусса. ЛачIунбуккултран аьркинссар утти чурххал кIушиву дуцин кIюрххил.
Жу маслихIат ккаккарду ла­­­­чIунбуккултращал. Ва жу­­ралул спортрал яла хъунмур захI­матшиву – чурххал кIу­ши­­ву чан давур. ХьхьичIва ла­чIунбуккултран багьайва бяст-ччаллу байбишин хьхьичI 3-4-лла дуцин чурххал кIушиву, утти тIурча – цал, мугу кIюрххил. Ми дахханашивуртту даврил хъунмур савав мури: жун ччай бур спортсментал цалла муданна­сса чурххал кIушиврий ччалли буклай, анавархъиндарай чан къадуллай бяст-ччаллал хьхьичI. Цанчирча ччясса мутталий чур­ххал кIушиву чан даврия зарал хъанахъиссар лачIунуккул цIуллушиврун, — увкунни Лаловичлул.

Журналистътурал мукунма суал буллуна Лаловичлу­хьхьун, республикалий уссаксса хIаллай цайнма бивсса асардал хIакъираву. Гъалгъарду би­кIайва шикку тагьар къапаракьатсса, къаиминсса ду­ссар тIий. Амма ттун мукунсса цичIав хIисав къавхьунни. Ялунгума циняв бавкьуну, дусшиврий къуццу тIий бур, хIалимшиву, нахIушиву дур инсантурал аралуву», — увкунни дунияллул халкьуннал дянивсса лачIун буккаврил делегациялул каялувчинал.

ХIадур бувссар
ХI. Аьдиловлул