[dropcap]Ч[/dropcap]ялишсса гьурттушинна дуллай бур Лакрал театр «Культура – против террора» тIисса Дагъусттаннал Культуралул министерствалул проектраву. Му проектрал лагрулий республикалул шагьрурдай ва районнай ккаккан буллай бур спектакллу: «АхIмад-Хан Султан» ва Апанни Къапиевлул дяъвилийсса чичрурду гьануну ларсъсса «Кьакьан дурасса макь».

Зулайхат Тахакьаева
Ларгсса хамискьини «Кьакьан дурасса макь» ккаккан бунни Къизилюртуллал магьирлугърал къатлуву, шагьрулул ва лагмасса шяраваллал школалул дуклаки оьрчIан.
Спектакль байбишин хьхьичI оьрчIахь дяъвилул ва ватан ххирашиврул темалийн багьайсса ихтилат бунни Лакрал театрданул директор МахIаммад ХIусайновлул ва Къизилюртуллал райондалул администрациялул бакIчинал хъиривчу Расул Мусаевлул. Хъунмур чIурчIав дурунни экстремизмалул ва терроризмалул суаллай.