[dropcap]Ф[/dropcap]евраль зурул 15-нний Аьрасатнаву кIицI лагайссар чил билаятирттай аьрали бурж биттур буллай бивкIсса интернационалистурал кьини. Аьдатравун багьсса куццуй, ва кьини МахIачкъалалив Авгъаннал паркраву хьунни чил билаятирттай аьрали бурж биттур буллай жанну дуллусса вирттал дакIнийн бичлачисса ва уттавами лахъа-хъун буллалисса митинг.
А. Аьбдуллаева
Тарихраву ца яла лахъи лавгмур дяъвилун ккаллисса (1979-1989 ш.ш. ) Авгъаннавусса дяъвилия ва тай иширттаву Дагъусттаннал жагьилтурал ккаккан дурсса чувшиврия бусласисса ихтилатру бунни Авгъаннал Ветерантурал координацион советрал председатель, къуллугъ кьабивтсса генерал-майор Оьмар Муртузялиевлул, Дагъусттаннал аьрали комиссар Дайтбек Мустапаевлул, МахIачкъала шагьрулул бакIчинал хъиривчу Запир Алхасовлул, ДР-лул захIматрал ва социал иширттал министр Расул Ибрагьимовлул, Авгъаннал Ветерантурал союзрал председатель Нажмуттин Акаевлул ва м.ц.
Ихтилатру къуртал хьуну махъ та дяъвилий жанну дуллуминнал гьайкалданучIа дирхьунни тIутIив.
Митинграя гьарта-гьарзану бусанну хъиривмур номерданий.
«Жулва аьралитурал чувшиву
ва виричушиву даиманссар»
[dropcap]Ф[/dropcap]евральданул 15-нний ДР-лул БакIчинал кIанайма Владимир Васильев лаивзунни дагъусттанлувтурайн – Ватандалул дазул кьатIув къуллугърал бурж биттур буллай бивкIсса аьрасатлувтурал аьпа абад баврил кьини.
«Жулва аьралитурал чувшиву ва виричушиву даиманссар. АьФ-лул национал мурадру буручлай ва дунияллул халкьуннал дянивсса жула билаятрал буржру биттур буллай, жулва ватанлувтал гьуртту хъанай бивкIссар чIявусса дяъвилул иширттаву.
ХIакьинусса кьинигу АьФ-лул Ярагъбу гужирдал цIа данну бартбигьлай бур Сириянал Аьрабнал Республикалий дунияллул халкьуннал терроризмалущалсса талатаврил ххуллийсса масъалартту. Миннавасса чIявуминнан дуллуссар орденну ва медаллу, шама тIурча лайкь хьуссар Совет Союзрал Виричунал ва Аьрасатнал Федерациялул Виричунал цIардан.
Циняв аьралитуран-интернационалистътуран чIа тIий ура дакьаву ва хъин-ххуйшивуртту», — тIий бур лаизаврий.
