Февраль зурул 27-нния март зурул 1-нийн бияннин Да­гъусттаннай хьунтIиссар WorldSkills Russia «Жагьилсса пишакартал» тIисса региондалул lll-мур чемпионат. Гьарица шинал кунма, гьашинугу ва чемпионат хьунтIиссар Каспийск шагьрулийсса Аьли Аьлиевлул цIанийсса спортрал ва жагьилтурал дворецраву.
[dropcap]Ч[/dropcap]емпионатрал сакиншинначитал бур ДР-лул ЗахIматрал ва социал хьхьичIунмайшиврул министерство.
Информациярттаха зузисса «Аьрасатнал Жагьилтурал» системардал дайдирхьунни ва агьамсса чемпионатрай гьурттушинна дувансса волонтертал батIлатIисса кампаниялул даву. Волонтертал кумаг буллантIиссар, гьуртту хъана­хъими чемпионатрайн биян буллай ва миннан бацIансса кIанттурду кка­ккан буллай, пресс-центрданул даву дачин дуллай, бяст-ччаллу нанисса майданну ккаккан буллай ва цаймигу бигарду щаллу буллай.
Чемпионатрай волонтер хьун ихтияр дуссар 14 шинава 30 шинавун бияннинсса жагьилтураща. Волонтертуран дулунтIиссар хасъсса лишанну дусса янна ва ми щаллу бантIиссар транспортрал ва дукиялул.